69 Reading Passages: Biblical

Biblical Reading

 

To download this assignment as a pdf, click here: AGE Readings 21b.

The Last Supper:

7 ἦλθεν δὲ ἡ ἡμέρα τῶν ἀζύμων, ἐν ᾗ ἔδει θύεσθαι τὸ πάσχα. 8 καὶ ἀπέστειλεν Πέτρον καὶ Ἰωάννην εἰπών, Πορευθέντες ἑτοιμάσατε* ἡμῖν τὸ πάσχα ἵνα φάγωμεν. 9 οἱ δὲ εἶπαν αὐτῷ, Ποῦ θέλεις ἑτοιμάσωμεν; 10 ὁ δὲ εἶπεν αὐτοῖς, Ἰδοὺ εἰσελθόντων ὑμῶν εἰς τὴν πόλιν συναντήσει ὑμῖν ἄνθρωπος κεράμιον ὕδατος βαστάζων· ἀκολουθήσατε* αὐτῷ εἰς τὴν οἰκίαν εἰς ἣν εἰσπορεύεται. 11 καὶ ἐρεῖτε τῷ οἰκοδεσπότῃ τῆς οἰκίας, Λέγει σοι ὁ διδάσκαλος, Ποῦ ἐστιν τὸ κατάλυμα ὅπου τὸ πάσχα μετὰ τῶν μαθητῶν μου φάγω; 12 κἀκεῖνος ὑμῖν δείξει ἀνάγαιον μέγα ἐστρωμένον· ἐκεῖ ἑτοιμάσατε*. 13 ἀπελθόντες δὲ εὗρον καθὼς εἰρήκει αὐτοῖς, καὶ ἡτοίμασαν τὸ πάσχα. 14 καὶ ὅτε ἐγένετο ἡ ὥρα, ἀνέπεσεν καὶ οἱ ἀπόστολοι σὺν αὐτῷ. 15 καὶ εἶπεν πρὸς αὐτούς, Ἐπιθυμίᾳ ἐπεθύμησα τοῦτο τὸ πάσχα φαγεῖν μεθ’ ὑμῶν πρὸ τοῦ με παθεῖν· 16 λέγω γὰρ ὑμῖν ὅτι οὐ μὴ φάγω αὐτὸ ἕως ὅτου πληρωθῇ ἐν τῇ βασιλείᾳ τοῦ θεοῦ. 17 καὶ δεξάμενος ποτήριον εὐχαριστήσας εἶπεν, Λάβετε* τοῦτο καὶ διαμερίσατε* εἰς ἑαυτούς· 18 λέγω γὰρ ὑμῖν ὅτι οὐ μὴ πίω ἀπὸ τοῦ νῦν ἀπὸ τοῦ γενήματος τῆς ἀμπέλου ἕως οὗ ἡ βασιλεία τοῦ θεοῦ ἔλθῃ. 19 καὶ λαβὼν ἄρτον εὐχαριστήσας ἔκλασεν καὶ ἔδωκεν αὐτοῖς λέγων, Τοῦτό ἐστιν τὸ σῶμά μου τὸ ὑπὲρ ὑμῶν διδόμενον· τοῦτο ποιεῖτε* εἰς τὴν ἐμὴν ἀνάμνησιν. 20 καὶ τὸ ποτήριον ὡσαύτως μετὰ τὸ δειπνῆσαι, λέγων, Τοῦτο τὸ ποτήριον ἡ καινὴ διαθήκη ἐν τῷ αἵματί μου, τὸ ὑπὲρ ὑμῶν ἐκχυννόμενον. 21 πλὴν ἰδοὺ ἡ χεὶρ τοῦ παραδιδόντος με μετ’ ἐμοῦ ἐπὶ τῆς τραπέζης· 22 ὅτι ὁ υἱὸς μὲν τοῦ ἀνθρώπου κατὰ τὸ ὡρισμένον πορεύεται, πλὴν οὐαὶ τῷ ἀνθρώπῳ ἐκείνῳ δι’ οὗ παραδίδοται. 23 καὶ αὐτοὶ ἤρξαντο συζητεῖν πρὸς ἑαυτοὺς τὸ τίς ἄρα εἴη ἐξ αὐτῶν ὁ τοῦτο μέλλων πράσσειν.

κατὰ Λουκᾶν 22:7-23

 

ἄζυμος -ον unleavened

ἄμπελος –ου ὁ vine

ἀνάγαιον –ου τό upstairs room

ἀνάμνησις –εως ἡ reminder

ἀναπίπτω sit at the table

ἀποστέλλω send

βαστάζω carry

γένημα –ατος τό product

δειπνέω dine, eat

διαμερίζω divide

ἔδει “it was necessary”

εἴη ~ ἐστι

εἰρήκει “he had said”

εἰσπορεύομαι go inside

ἐκεῖ there

ἔλθῃ ~ ἦλθε

ἐπιθυμέω want, desire

ἐστρωμένος –η -ον furnished

ἑτοιμάσωμεν ~ ἑτοιμῆσαι

ἐκχυννόμενος –η –ον poured out

ἕως until

θύω sacrifice

ἰδοῦ Look!

ἵνα so that, in order to

καθώς just as

κατάλυμα –ατος τό guest room

κεράμιον –ου τό (clay) jar

κλάω break

νῦν now

οἰκοδεσπότης –ου ὁ house owner

ὅπου where

ὅτου, οὗ time when

οὐαὶ Woe to…!

πάσχα τό Passover lamb (indeclinable)

πίω “I may drink”

πλήν but yet

πληρωθῇ ~ ἐπληρώθη

ποῦ where?

συζητέω question

συναντάω meet

τράπεζα –ης ἡ table

φάγω “I may eat” cf. φάγωμεν

ὡρισμέν ος –η –ον determined

ὡσαύτως in the same way

 

* These verbs are delivered as commands.

Leave a Reply

Your email address will not be published. Required fields are marked *